პრემიერმა მამუკა ბახტაძემ ეკონომიკის მინისტრის, გიორგი ქობულიას გათავისუფლების შესახებ ჟურნალისტების შეკითხვაზე უპასუხა, რომ საჭიროა სწრაფი და ოპერატიული გადაწყვეტილებები. ხოლო იმ შემთხვევაში, თუ რომელიმე მინისტრი ტემპს ჩამორჩება, გადაწყვეტილება [გათავისუფლების] არ დააყოვნებს.
„ჩვენ გვჭირდება სწრაფი და ოპერატიული გადაწყვეტილებები. ეს არის ერთმნიშვნელოვანი. 2019 -2020 წლებში ჩვენი ბიუჯეტი იქნება დაახლოებით 27 მილიარდი ლარი.
რა თქმა უნდა, არ მაქვს მოლოდინი, რომ ეს საკმარისი რესურსი იქნება იმისთვის, რომ ჩვენ ყველა გამოწვევას გავუმკლავდეთ, მაგრამ ეს არის ძალიან მნიშვნელოვანი რესურსი იმისთვის, რომ ჩვენი საზოგადოების ცხოვრება და პრობლემები შევამსუბუქით. თუმცა ამ თანხას და ინვესტიციებს სჭირდება ძალიან ოპერატიული და ეფექტიანი მართვა. ბუნებრივია, თუ რომელიმე მინისტრი იმ ტემპს ჩამორჩება, რაც აუცილებელია იმისთვის, რომ საზოგადოებას ვაჩვენოთ შედეგი, რასაც შევპირდით, გადაწყვეტილება არ დააყოვნებს“, - განაცხადა პრემიერმა.
