შინაგან საქმეთა სამინისტრო კატეგორიულად უარყოფს ინფორმაციას, რომ პანკისის ხეობაში 21 აპრილს სამართალდამცველებმა ცეცხლსასროლი იარაღი გამოიყენეს. ამის შესახებ „ლიბერალს" უწყებაში განუცხადეს.
პანკისის სათემო რადიოს ცნობით, სოფელ ძიბახევში 21 აპრილს მომხდარი შეტაკებისას ცეცხლსასროლი იარაღითაც ისროდნენ.
„გუშინ ამ დაპირისპირების შემდეგ ზედა ხევში მცხოვრებლებმა მოგვაწოდეს ასეთი ტყვიის ე.წ. გილზები და ეს არის გლოკის ტიპის იარაღი და სავარაუდოდ, ისინი გაისროლეს სამართალდამცავებმა. ფაქტია, რომ გაისროლეს, არავინ დაშავებულა ამის შედეგად, თუმცა ფაქტია, რომ მოხდა ამის გამოყენება", - ამბობს „რუსთავი 2-თან" საუბრისას ჟურნალისტი ისლამ გორგიშვილი.
