თბილისში მშენებარე კორპუსიდან მუშა გადავარდა და ადგილზე დაიღუპა, - ამის შესახებ ინფორმაცია „ლიბერალს" შინაგან საქმეთა სამინისტროში დაუდასტურეს.
„შემთხვევა კოსტავას ქუჩაზე, სამშენებლო მოედანზე მოხდა. სიმაღლიდან ვარდნის შედეგად მამაკაცია გარდაცვლილი", - აცხადებენ შსს-ში.
როგორც „ლიბერალს" თბილისის სასწრაფოს პრესსამსახურში აცნობეს, ადგილზე მისულ სასწრაფო დახმარების ბრიგადას მუშა გარდაცვლილი დახვდა.
გამოძიება სისხლის სამართლის კოდექსის 240 მუხლის პირველი ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას ითვალისწინებს.
