პირველი რესპუბლიკის მოედანზე სასულიერო პირები, პოლიტიკოსები და სხვა მოქალაქეები პატრიარქის მიერ დაწესებულ „ოჯახის სიწმინდის დღეს" აღნიშნავენ. ამასთან, როგორც მათ „ლიბერალს" უთხრეს, ისინი ლგბტ პროპაგანდის წინააღმდეგნი არიან და ამბობენ, რომ პრაიდის კვირეულსაც გააპროტესტებენ.
შეკრებილები მთავრობის კანცელარიისკენ მსვლელობით გაემართებიან. აქციის ორგანიზატორებს შორის არიან „ქართული დასის" ლიდერი ჯონდი ბაღათურია, პარტია „ქართული იდეის" ლიდერი ლევან ჩაჩუა და ორგანიზაცია „ზნეობის" წარმომადგენელი გურამ ფალავანდიშვილი.
