NDI-მ საქართველოში საზოგადოების განწყობა გამოიკვლია. 2019 წლის აპრილის გამოკითხვის შედეგების მიხედვით, მოსახლეობის 56% მთავრობის საქმიანობას უარყოფითად აფასებს. დეკემბერში ასე ფიქრობდა 53%, მარტში - 49%.  

კვლევის იმ ნაწილში, სადაც გამოკითხულები პოლიტიკოსების მიმართ განწყობას გამოხატავენ, ყველაზე მეტი 39% მმართველი პარტიის ლიდერის, ბიძინა ივანიშვილის მიმართ უარყოფით დამოკიდებულებას გამოხატავს 21% კი - დადებითს. 

პოლიტიკოსებს შორის ყველაზე მეტი ადამიანი დადებითად არის განწყობილი დავით სერგეენკოსა და კახა კალაძის მიმართ (40-40%) 

კვლევა 2019 წლის 28 მარტი-15 აპრილის პერიოდში, საქართველოს მასშტაბით 2,927 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევა ასევე წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების
ზღვარი არის +/- 2.3 პროცენტი.