შეფასებისა და გამოცდების ეროვნული ცენტრის მონაცემებით, პრაქტიკოს მასწავლებელთა და მასწავლებლობის მსურველთა რეგისტრაცია ამ დროისთვის 25 000-მდე აპლიკანტმა გაიარა.

როგორც შეფასების და გამოცდების ეროვნული ცენტრის ხელმძღვანელმა სოფიო გორგოძემ ბრიფინგზე განაცხადა, 20 ათასამდე აპლიკანტი პრაქტიკოსი, მოქმედი მასწავლებელია, 5 ათასამდე კი - მასწავლებლობის მსურველი.

 2019 წლის მასწავლებელთა კომპეტენციის დადასტურებისთვის რეგისტრაცია 13 მაისს დაიწყო და 24 მაისს, 18:00 საათზე დასრულდება.

შეფასებისა და გამოცდების ეროვნული ცენტრი 2019 წლის გამოცდების საინფორმაციო კამპანიის ფარგლებში მასწავლებლის კომპეტენციის დადასტურებისათვის დარეგისტრირებულ აპლიკანტებს კონსულტაციების გავლას სთავაზობს.

16:00 საათიდან 18:00 საათამდე მსურველებს შესაძლებლობა ექნებათ, შეხვდნენ ცენტრის თანამშრომლებს და უშუალოდ საგნობრივი ჯგუფების წარმომადგენლებისაგან მიიღონ მათთვის საინტერესო კითხვებზე პასუხები.

შეხვედრები მთელი წინასაგამოცდო პერიოდის განმავლობაში გაიმართება შეფასებისა და გამოცდების ეროვნული ცენტრის შენობაში მისამართზე: ე. მინდელის N9.

მინისტრი: სექტემბრიდან უფროს, წამყვან და მენტორ პედაგოგებს ანაზღაურება 150 ლარით გაეზრდებათ