პროფესორმა გიორგი თუმანიშვილმა, რომელიც კანდიდატის სტატუსით მონაწილეობს საქართველოს უზენაეს სასამართლოში მოსამართლეთა შესარჩევ კონკურში, თავის პროფესიულ საქმიანობასთან დაკავშირებული დოკუმენტები და დეტალები გაასაჯაროვა.
იგი უპირისპირდება საქართველოში არსებულ არაგამჭვირვალე საკონკურსო პრაქტიკას, როდესაც სხვადასხვა თანამდებობაზე პირებს ყოველგვარი კრიტერიუმის გარეშე ირჩევენ/ნიშნავენ. იმისათვის, რომ საზოგადოებას ჰქონოდა წარმოდგენა მიმდინარე უზენაესი სასამართლოს მოსამართლეების შესარჩევი კონკურსის შესახებ, იგი თითოეული ნაბიჯის დოკუმენტირებასა და გასაჯაროებას ახდენს და ამ თემაზე საკუთარი ბლოგი მიჰყავს იუთუბიზე.
იმისათვის, რომ საზოგადოებას ენახა, თუ როგორ შეირჩევიან საქართველოს უზენაეს სასამართლოში მოსამართლეები, რამდენად გამჭვირვალე და ობიექტურია პროცესი, მან თავად გადაწყვიტა მონაწილეობა ამ პროცესში და თავისი კანდიდატურა წარადგინა გამოცხადებულ ვაკანტურ თანამდებობებზე.
პროფესორი თუმანიშვილი ცნობილია სამეცნიერო შრომებით სამართლის სხვადასხვა დარგში როგორც საქართველოში, ისე საზღვარგარეთ. იგი იკვლევს მომავლის სამართლის აქტუალურ საკითხებს. ამჟამად ცხოვრობს და მუშაობს ჩეხეთში.
