დაბა სტეფანწმინდაში ჩამოვარდნილი ვერტფრენი ავიატორი „აჭარა ჯგუფის" საკუთრებაა. როგორც „აჭარა ჯგუფის" მიერ გავრცელებულ ინფორმაციაში ვკითხულობთ, უბედური შემთხვევის შედეგად დაღუპულია პილოტი და „აჭარა ჯგუფის" 2 თანამშრომელი.

კომპანია ღრმა მწუხარებას უცხადებს გარდაცვლილების ოჯახებს. „აჭარა ჯგუფი“ სრულად თანამშრომლობს საგამოძიებო ორგანოებთან.

შინაგან საქმეთა სამინისტრომ ყაზბეგის მუნიციპალიტეტში კერძო ვერტმფრენის ჩამოვარდნასთან დაკავშირებით გამოძიება სსკ-ის 275-ე მუხლის მე-6 ნაწილით დაიწყო, საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევის ფაქტზე, რასაც მოჰყვა ორი ან მეტი ადამიანის სიცოცხლის მოსპობა.