რუსეთის საგარეო საქმეთა სამინისტრო ავრცელებს განცხადებას და საერთაშორისო ორგანიზაციებს გიორგი გაბუნიას მონოლოგზე რეაგირებისკენ მოუწოდებს.
„კატეგორიულად ვგმობთ უპრეცედენტო და საძაგელ გამოხდომას. ამ ინციდენტს განვიხილავთ, როგორც კიდევ ერთ დაუფარავ პროვოკაციას ქართული რადიკალური ძალების მხრიდან, რომლებიც მიზნად ისახავენ რუსულ-ქართული ურთიერთობების გაუარესებას. ეს აღმაშფოთებელი ინციდენტი ნათლად აჩვენებს, სადამდე შეიძლება მიგიყვანოს აღვირახსნილმა რუსოფობიამ.
აღსანიშნავია, რომ ამჯერად, 20 ივნისის მოვლენებისგან განსხვავებით, საქართველოს ხელისუფლებას არ უცდია რადიკალების გამართლება და პროვოკატორებისგან გამიჯვნა და მათი დაგმობა გადაწყვიტა. ვხედავთ იმ სამართლიან აღშფოთებასაც, რომელიც მომხდარს ქართულ საზოგადოებაში მოჰყვა.
ველოდებით ადეკვატურ რეაგირებას პროფილური საერთაშორისო და რეგიონული ორგანიზაციებისა და ჟურნალისტური წრეებისგან. ცივილიზებულ ქვეყნებში ასეთი შემთხვევების ადგილი არაა“, - ნათქვამია რუსეთის საგარეო უწყების განცხადებაში.