Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

გიორგი გახარია - ჩემთვის მიუღებელია პოლიციელის მკვლელის და საერთოდ მკვლელის ასე შეწყალება

18 სექტემბერი, 2019 15:12

„ჩემთვის აბსოლუტურად მიუღებელია პოლიციელის მკვლელის და საერთოდ მკვლელის, მძიმე დანაშაულის ჩამდენი პირების მსგავსი შეწყალება", - ამის შესახებ პრემიერმა გიორგი გახარიამ ჟურნალისტებს განუცხადა. 

მისი თქმით, უნდა არსებობდეს ფილტრები იმისთვის, რომ მძიმე დანაშაულში, განსაკუთრებით მკვლელობაში მსჯავრდებულები ასეთი ფორმით არ იყვნენ შეწყალებულები.

„შეწყალება პრეზიდენტის დისკრეციაა, თუმცა ჩემთვის აბსოლუტურად მიუღებელია პოლიციელის მკვლელის და საერთოდ მკვლელის, მძიმე დანაშაულის ჩამდენი პირების ასე მსგავსი შეწყალება. რა თქმა უნდა, აქ საჭიროა საკანონმდებლო ცვლილებებიც, რაც დასტურდება იმ ნაბიჯით, რაც ქალბატონმა პრეზიდენტმა გადადგა - გამოაცხადა მორატორიუმი. უნდა იყოს საერთო მსჯელობა პარლამენტთან ერთად და რა თქმა უნდა, რაღაც ფილტრები უნდა გაჩნდეს, იმისთვის, რომ მძიმე დანაშაულში, განსაკუთრებით მკვლელობისთვის მსჯავრდებული ადამიანები, ასეთი ფორმით არ იყვნენ შეწყალებულები", - განაცხადა პრემიერმა. 

დღეს, საქართველოს პრეზიდენტმა სალომე ზურაბიშვილმა, სპეციალურად გამართულ ბრიფინგზე განაცხადა, რომ შეწყალების ახალი წესის შემუშავებამდე მსჯავრდებულთა შეწყალებაზე მორატორიუმს აცხადებს.

მარიამობის დღესასწაულთან დაკავშირებით პრეზიდენტმა სულ 34 მსჯავრდებული, მათ შორის 1 არასრულწლოვანი და 8 ქალი შეიწყალა. მოგვიანებით ცნობილი გახდა, რომ შეწყალებულთა შორის სამი მსჯავრდებული მძიმე დანაშაულისთვის იყო ნასამართლევი. მათ შორის რამაზ დევიძე, პოლიციელ თარაშ მუკბანიანის მკვლელობისთვის, ასლან ბეჟანიძე 18 წლის დავით ოთხმეზურის მკვლელობისთვის და ზურაბ ნადირაძეზე, გიორგი ქოიავას მკვლელობისთვის. შეწყალებულთა შორის აღმოჩნდა ერთი ძებნილი პირიც.

პრეზიდენტი შეწყალებაზე მორატოროუმს აცხადებს

კომენტარები

ამავე რუბრიკაში

21 ოქტომბერი
21 ოქტომბერი

ახლა ისე გამოდის სიტუაცია, ყველაფრისთვის ...

გიორგი გახარიამ ჟურნალისტებთან მამუკა ხაზარაძის მიერ ე.წ. მუქარის წერილის ორიგინალის პროკურატურისთვის გადაცემაზე ისაუბრა ...
21 ოქტომბერი
21 ოქტომბერი

ვთავაზობ ხელისუფლებას, რომ დავით გარეჯს ...

იუსტიციის უმაღლესი საბჭოს  არამოსამართლე  წევრი ანა დოლიძე საქართველოს ხელისუფლებას დავით გარეჯის პრობლემ ...
21 ოქტომბერი
21 ოქტომბერი

„რუსთავი 2-ის" ქონება ისევ დაყადაღდა

თბილისის საქალაქო სასამართლომ „რუსთავი 2-ის“ წილების 60 პროცენტს ყადაღა დაადო, ამის შესახებ ინფორმაცია &bdqu ...
^