პრემიერ-მინისტრი გიორგი გახარია, ეკონომიკის მინისტრის ნათია თურნავას თანამდებობიდან შესაძლო გადაყენებას უარყოფს. გახარია ამბობს, რომ ნათია თურნავა მთავრობის კაბინეტის ერთ-ერთი ყველაზე ძლიერი მინისტრია.
„ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა და მის ცვლილებაზე საუბარი პოლიტიკური კონიუნქტურიდან მოგონილი ჭორებია“, - ამის შესახებ საქართველოს პრემიერ-მინისტრმა გიორგი გახარიამ ეკონომიკისა და მდგრადი განვითარების სამინისტროს წარმომადგენლებთან სამუშაო შეხვედრისას განაცხადა.
მთავრობის მეთაურის განმარტებით, ამ თემაზე კითხვის ნიშნები არ არსებობს და ვერ იარსებებს. ამ ინფორმაციის გავრცელებას პრემიერი პოლიტიკური კონიუქტურიდან მოგონილს უწოდებს, რომელსაც მიზანმიმართულად ავრცელებენ.
„უნდა ვიცოდეთ, რომ ეს არის პოლიტიკური კონიუნქტურიდან მოგონილი ჭორები, რომელსაც ავრცელებენ”, - აღნიშნა გიორგი გახარიამ.
შეგახსენებთ, რომ ეკონომიკის და მდგრადი განვითარების მინისტრის ნათია თურნავას გადაყენების შესახებ ინფორმაცია „ტვ პირველმა“ გაავრცელა. თუმცა სამინისტრომ გავრცელებული ინფორმაცია მალევე უარყო.