გურამიშვილის გამზირის #34-ში, 16 სართულიანი საცხოვრებელი კორპუსის მე-4 სართულზე აფეთქება მოხდა. როგორც საგანგებო სიტუაციების მართვის სამსახურში აცხადებენ, აფეთქება სავარაუდოდ, გაზის გაჟონვამ გამოიწვია.
როგორც ლიბერალის ჟურნალისტი ადგილიდან იუწყება, სასწრაფო დახმარების ბრიგადებმა სამი დაშავებულის ჰოსპიტალიზაცია მოახდინეს. მათგან ერთი ადამიანი დამწვრობის ცენტრში, ორი კი - მერვე საავადმყოფოში გადაიყვანეს. დაშავებულებს შორის ერთი არასრულწლოვანია. გარდაცვლილებზე ინფორმაცია ამ ეტაპზე არ ვრცელდება.
კორპუსში აფეთქება სავარაუდოდ წყლის კუსტარულად დამონტაჟებულმა გამათბობელმა გამოიწვია.
„თბილისი ენერჯის" წარმომადგენლის ნათია მიქიაშვილის განცხადებით, სახლში სადაც აფეთქება მოხდა ადრე წყალგამაცხელებელი ჩაიხსნილი იყო.
ადგილზე იმყოფება საპატრულო პოლიცია, სახანძრო-სამაშველო და სასწრაფო დახმარების ჯგუფები.