Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ვთავაზობ ხელისუფლებას, რომ დავით გარეჯს დაცული ტერიტორიის სტატუსი მიენიჭოს - ანა დოლიძე

21 ოქტომბერი, 2019 14:09

იუსტიციის უმაღლესი საბჭოს  არამოსამართლე  წევრი ანა დოლიძე საქართველოს ხელისუფლებას დავით გარეჯის პრობლემის გადასაწყვეტად სთავაზობს, რომ მას დაცული ტერიტორიების სტატუსი მიენიჭოს. მისი თქმით, არსებობს 200 გვერდიანი მეცნიერთა ჯგუფის მიერ შემუშავებული გეგმა და ინიციატივა, რომლის მიხედვითაც შესაძლებელია გარეჯის პრობლემა ორივე ქვეყნისთვის სასარგებლოდ გადაწყდეს. დოლიძე ამბობს, რომ მსგავსი პრეცედენტები მსოფლიოში არსებობს.

„ბოლო რამდენიმე წელია დავით გარეჯთან დაკავშირებით დაძაბულობაა. მიუხედავად ამისა საქართველოს ხელისუფლებას გარეჯთან დაკავშირებით რაიმე კონკრეტული გეგმა არ გააჩნია და ამის შესახებ საჯაროდ არ უსაუბრია. მე მინდა დღეს პოლიტიკური შეთავაზება გავახმოვანო. ვთავაზობ ხელისუფლებას, რომ დავით გარეჯს დაცული ტერიტორიის სტატუსი მიენიჭოს. ეს საშუალებას მოგვცემს, რომ გარეჯი მსოფლიო მნიშვნელობის და გეოპოლიტიკური სტატუსის მქონე ობიექტად გადაიქცეს.

მას კი შემდეგი სახის სარგებლობა ექნება, ეს იქნება ტურისტული, ეკონომიკური, კულტურული  და ეკოლოგიური სარგებლობის ძეგლი. ამის გამოყენების საშუალება, ორივე მხარეს გვექნება. ეს კი აზერბაიჯანსა და საქართველოს შორის დაძაბულობას განმუხტავს. ამავე დროს დავით გარეჯს მსოფლიო მიზიდულობის ძალა ექნება“, - აცხადებს დოლიძე.

მისივე თქმით,  ასეთი  ადგილები  ამერიკასა და კანადას, ნორვეგიასა და შვედეთს შორის  არის შექმნილი. ამის მიზეზი კი დოლიძის განცხადებით  ჩვენს მსგავსად ტრანსსასაზღვრო დაძაბულობა იყო.

„ეს არის 200 გვერდიანი გეგმა, რომელიც მეცნიერთა დიდი ჯგუფის მიერი არის შემუშავებული და საერთაშორისო ორგანიზაციების მიერ არის მხარდაჭერილი. აქ კარგად არის აღწერილი დაცული ტერიტორიის სტატუსის  მინიჭების შემთხვევაში გარეჯს რა სარგებელი მოაქვს. საქართველოს მთავრობას მივმართავ,  ეს უნიკალური შესაძლებლობა ხელიდან არ გაუშვას. დაიწყოს ქმედითი ნაბიჯების გადადგმა იმისთვის, რომ გარეჯს, მსოფლიო კულტურული მემკვიდრეობის და  დაცული ტერიტორიის სტატუსი მიენიჭოს“, - განაცხადა დოლიძემ.  

კომენტარები

ამავე რუბრიკაში

22 ნოემბერი
22 ნოემბერი

ვალდებულები ვართ, ისტორია შევახსენოთ იმ ...

„ქართული ოცნების“ ერთ-ერთმა ლიდერმა გია ვოლსკიმ    სპეციალურად გამართულ ბრიფინგზე ისტორიული მ ...
22 ნოემბერი
22 ნოემბერი

26 ახალი და გემრიელი შესაძლებლობა - „საბ ...

ერთფეროვნება მოსაწყენია. განსაკუთრებით, როცა ცვლილებების ეპოქაში ცხოვრობ, თავადაც სწრაფად იცვლები და შენი გემოვნებაც. ეს ...
22 ნოემბერი
22 ნოემბერი

დილიდან მეორადი „კმარელების" უნიჭო პერფო ...

„ევროპულის საქართველოს" ლიდერები დღეს მამუკა მდინარაძის მაჟორიტარულ ოლქთან მივიდნენ და მის სამუშაო ოთახზე ბოქ ...
^