„თბილისი პრაიდი" ბიზნესმენ ლევან ვასაძეს ფილმის - „და ჩვენ ვიცეკვეთ" ბილეთს ჩუქნის.     

„თბილისი პრაიდის" გუნდი გულწრფელად შევწუხდით, რომ ლევან ვასაძემ ვერ შეძლო ფილმის ჩვენებაზე დასასწრები ბილეთის დროულად შეძენა და გადავწყვიტეთ ჩვენი კუთვნილი ბილეთი გავუგზავნოთ მას საჩუქრად. ვაცნობიერებთ, რომ კინოთეატრებში ბევრად სასიამოვნოა ამ ფილმის ნახვა და ასევე ვითვალისწინებთ იმ მსხვერპლსაც, რომელიც ლევანმა გაიღო, სპეციალურად გადადო რა მონაწილეობა დედების სიწმინდის დღის ღონისძიებაში, რომელიც მსოფლიო კონგრესის ფარგლებში ბუდაპეშტში იმართება. ლევან, ჩვენ არ დაგტოვებთ მარტო!," - ნათქვამია „თბილისი პრაიდის" განცხადებაში.

შეგახსენებთ, რომ ბიზნესმენი ლევან ვასაძე, ფილმის „და ჩვენ ვიცეკვეთ" თბილისის კინოთეატრებში ჩვენებას ეწინააღმდეგება. ვასაძემ მხარდამჭერებთან ერთად ფილმის კინოჩვენებების ჩაშლა და კინოთეატრების ბლოკირება დააანონსა. 

8, 9 და 10 ნოემბერს თბილისსა და ბათუმში მდებარე რამდენიმე კინოთეატრში მხატვრული ფილმის „და ჩვენ ვიცეკვეთ“ (And Then We Danced) პრემიერა იმართება.