კინოთეატრი „ამირანი“ სოციალურ ქსელში სპეციალურ განცხადებას ავრცელებს და უსაფრთხოების მიზნით, ფილმის „და ჩვენ ვიცეკვეთ“ ბილეთების მფლობელებს ურჩევს, რომ კინოთეატრში ადრე მივიდნენ.
ადმინისტრაციის ინფორმაციით, კინოთეატრის დაცვის სამსახური შინაგან საქმეთა სამინისტროსთან აქტიურად თანამშრომლობს, რათა დაგეგმილმა ჩვენებამ ექსცესების გარეშე ჩაიაროს.
„კინოთეატრების უსაფრთხოების სამსახური აქტიურად თანამშრომლობს შინაგან საქმეთა სამინისტროსთან, რომ დაგეგმილმა ჩვენებებმა ექსცესების გარეშე ჩაიაროს. ცხადია, მაქსიმალურად ვზრუნავთ ჩვენი მაყურებლის უსაფრთხოებაზე და კომფორტზე, სწორედ ამიტომ ვთხოვთ მათ, ვინც შეიძინა „და ჩვენ ვიცეკვეთ“ ბილეთები, ფილმის სანახავად მოვიდნენ დაგეგმილზე ადრე, რომ მათი უსაფრთხოება და დარბაზში კუთვნილ ადგილებზე განთავსება უზრუნველვყოთ შეუფერხებლად“, - აღნიშნულია „ამირანის“ მიერ გავრცელებულ განცხადებაში.