შინაგან საქმეთა სამინისტროს თბილისის პოლიციის დეპარტამენტის საგამოძიებო სამმართველომ 12 ნოემბერს მოძრაობა „ქართული მარშის" ლიდერის - სანდრო ბრეგაძის მიერ სახალხო დამცველის ოფისში განხორციელებულ ქმედებებთან დაკავშირებით გამოძიება დაიწყო.

როგორც შსს-ში იუწყებიან გამოძიება სისხლის სამართლის კოდექსის 352-ე მუხლის პირველი ნაწილით მიმდინარეობს, რაც სახალხო დამცველის სამსახურებრივი საქმიანობისთვის ხელის შეშლის მიზნით მასზე ზემოქმედებას გულისხმობს.

შეგახსენებთ, რომ დღეს, 12 ნოემბერს, სანდრო ბრეგაძე, სახალხო დამცველთან შეხვედრას ითხოვდა. „ქართული მარშის" ლიდერი ოფისში იმ არასრულწლოვნის მშობელთან ერთად მივიდა, რომელიც ამტკიცებდა, რომ ფილმში “და ჩვენ ვიცეკვეთ“ მისი შვილი მოტყუებით გადაიღეს.

საბოლოოდ ომბუდსმენმა "დესტრუქციულ რეჟიმის" შეხვედრაზე უარი განაცხადა, რასაც ხმაური მოჰყვა და ადგილზე პოლიციის გამოძახება გახდა საჭირო.

სანდრო ბრეგაძე ომბუდსმენს დაემუქრა, რომ ერთ კვირაში ფართომასშტაბიან აქციას მოაწყობდა და „გამოიყვანდა ოფისიდან“ და მიუჩენდა ადგილს - პოლიტიკურ სანაგვეზე“.