პოლიციამ პარლამენტის პიკეტირებაში მონაწილე აქციის მონაწილეებს ტერიტორიის გასათავისუფლებლად 30 წუთი მისცა. შსს-ს წარმომადგენლის განცხადებით, შეთავაზებული ვადის გასვლის შემდეგ „პოლიცია იმოქმედებს კანონის შესაბამისად"/
პარლამენტის მიმდებარე ტერიტორიაზე მობილიზებულია სპეცდანიშნულების რაზმი, რომლებიც ხელკეტებით და ფარებით არიან აღჭურვილნი. აქვე დგას წყლის ჭავლისა და სახანძრო ავტომანქანები.
აქციის მონაწილეები პარლამენტის შენობიდან წასვლას არ აპირებენ.
ადგილზე იმყოფება სახალხო დამცველის მოადგილე გიორგი ბურჯანაძე, რომელიც იმედოვნებს რომ თავიდან იქნეს აცილებული ყველანაირი ესკალაცია და ძალის გადამეტებას ადგილი არ ექნება.
დღეს შსს სამინისტრომ განცხადება გაავრცელა და პარლამენტთან მყოფ აქციის მონაწილეები გააფრთხილა. უწყების თქმით, პარლამენტის შენობის წინ დაწყებულმა აქციამ კანონსაწინააღმდეგო ხასიათი მიიღო, რადგანაც იქ შეკრებილმა მოქალაქეებმა ყველა შესასვლელის ბლოკიერბა მოახდინეს. ამიტომ მათ კანონის დაცვისკენ მოუწოდებს, წინააღმდეგ შემთხვევაში კანონით მინიჭებულ ყველა უფლებას გამოიყენებს.