სპეცრაზმმა რუსთაველის გამზირი კარვებისგან გაათავისუფლა. სპეციალური დანიშნულების რაზმი რუსთაველის გამზირის გასაწმენდად წყლის ჭავლის მანქანასაც იყენებს.
პარლამენტთან აქციის რამდენიმე მონაწილე ცუდად გახდა. ისინი სასწრაფო სამედიცინო დახმარების ავტომობილებში გადაიყვანეს და საავადმყოფოში მიჰყავთ.
გავრცელებული ინფორმაციით პოლიციელებმა უკვე დააკავეს ათობით პირი, მათ შორის „გირჩის“ ლიდერი ზურაბ ჯაფარიძე, სამოქალაქო აქტივისტი გიგა მაქარაშვილი, „ნაციონალური მოძრაობის“ წევრი ოთარ სირაძე, ადვოკატი ბექა ბასალია, აქციის ერთ-ერთი ორგანიზატორი ზუკა ბერძენიშვილი და საკრებულოს წევრი ირაკლი ნადირაძე.
