პარლამენტის ყველა შესასვლელს უკვე პოლიცია აკონტროლებს. სპეცრაზმმა  რუსთაველის პროსპექტზე განთავსებული    კარვები აიღო.

ადგილზე გამოჩნდნენ მერიის დასუფთავების სამსახურის თანამშრომლები, რომლებიც ტერიტორიის დასუფთავებას შეუდგნენ.

ამ ეტაპზე დაძაბულობის კერები რჩება მეტრო „თავისუფლების მოედნის“ მიმდებარედ, სადაც ფარებით, მწყობრით მომავალი სპეცრაზმელები ძალის გამოყენებით აქციის მონაწილეებს რუსთაველის პროსპექტს ატოვებინებენ ​.

აქციის მონაწილეები ძალოვნების მისამართით სკანდირებენ: „სირცხვილია“, „საქართველო“, „რუსეთის მონები“.

სპეცდანიშნულების რაზმმა აქციის მონაწილეების  დაშლა მას შემდეგ დაიწყო, რაც მიცემული 30 წუთიანი ულტიმატუმი ამოიწურა.