"ყირიმი არის, იყო და იქნება უკრაინა, - ამის შესახებ ნორმანდიაში რუსეთის ხელმძღვანელობასაც განვუცხადე. უკრაინა ყირიმის ანექსიას არ შეეგუება", - განაცხადა პეტრო პოროშენკომ,  ქვეყნის უმაღლეს რადაში ფიცის დადების შემდეგ სიტყვით გამოსვლისას.

უკრაინის ახალი პრეზიდენტის თქმით, ქვეყანაში  გადამწყვეტი და შეუქცევადი ცვლილებების დროა.

"ჩვენ უნდა უზრუნველვყო და გავამყაროთ უკრაინის ერთიანობა,  მშვიდობა და უსაფრთხოება. უკრაინელ ხალხს მშვიდობა სურს. ჩემი სურვილი არ არის შურისძიება. მინდა მშვიდობა და ერთიანობა და ყველას ვთხოვ, იარაღი დაყაროს", - აცხადებს უკრაინის ახალი, რიგით მეხუთე პრეზიდენტი

პოროშენკოს ინაუგურაციას კიევში 56 ქვეყნის დელეგაცია ესწრება,  უკრაინის პრეზიდენტის ინაუგურაციაზე დასასწრებად საქართველოდან პრეზიდენტი გიორგი მარგველაშვილია ჩასული.