„მე, როგორც მოქალაქეს და საკრებულოს წევრს ერთი რჩევა მაქვს - კონტრაქტი თქვენი ინიციატივით გაწყვიტეთ", - მოუწოდებს „სითი პარკის" ხელმძღვანელობას თბილისის საკრებულოს წევრი ალეკო ელისაშვილი. - „თქვენმა კომპანიამ თბილისელების საყოველთაო სიძულვილი დაიმსახურა... შეირგეთ, რასაც თბილისელების ჯიბეებიდან იღებდით".
როგორც ელისაშვილი ამბობს, მას აქვს ინფორმაცია, რომ „სითი პარკს" თბილისის მერიის ყოფილ ხელმძღვანელობასთან კორუფციული გარიგება აქვს დადებული.
საკრებულოს დეპუტატს „სითი პარკის" გენერალურმა მენეჯერმა, ბენი ლაჰივმა, უპასუხა: „მოგიწოდებთ, პატივისცემით მოიხსენიოთ კომპანია და თუ მისი საქმიანობის შესახებ ეჭვები გაქვთ, ფინანსურ პოლიციას მიმართეთ... გმადლობთ რჩევისთვის, მაგრამ ჩვენ თბილისის დატოვებას არ ვაპირებთ. გვაქვს ხელშეკრულება და ნაკისრი ვალდებულების შესრულებას გავაგრძელებთ".
