უკრაინაში, დონეცკთან ახლოს საქართველოს მოქალაქე, 26 წლის არსენ ბერიძე ნაღმზე აფეთქდა,- აღნიშნულ ინფორმაციას სააგენტო "ინტერპრესნიუსი" ავრცელებს.
როგორც სააგენტოს ბერიძეების ოჯახის ნათესავმა , თამაზ ნაკაშიძემ განუცხადა, არსენ ბერიძე მეზობელთან ერთად საკუთარ მიწის ნაკვეთში გავიდა, რა დროსაც ნაღმზე აფეთქდა. მისივე თქმით, ბერიძეების საცხოვრებელ ტერიტორიაზე ორი დღის წინ "ბოევიკებმა" ბომბები ჩამოყარეს.
"არსენ ბერიძე დონეცკთან ახლოს ცხოვრობდა მშობლებთან ერთად. მისი სახლის მიმდებარედ წინა დღეს ჩამოყარეს ბომბები. მეზობლის 17 წლის ბიჭთან ერთად ნაკვეთში გასულა არსენიც, რა დროსაც ნაღმზე აფეთქდნენ. ორივე დაიღუპა, ამბობენ მთლიანად დანაწევრებულები იყვნენ, დიდი ტრაგედიაა", - აცხადებს თამაზ ნაკაშიძემ.
მისივე განმარტებით, ბერიძეების ოჯახი უკრაინაში დაახლოებით 10 წლის წინ, სოფელ ახოდან გადავიდა. თამაზ ნაკაშიძის ინფორმაციით, გარდაცვლილს საქართველოში დღეს საღამოს ან ხვალ დილით გადმოასვენებენ.
