ევროკავშირის ანტიტერორისტული სამსახურის უფროსის ჟილ დე კერშოვის თქმით, სირიასა და ერაყში ისლამისტ მებრძოლებს 3 ათასამდე ევროპელი შეუერთდა. ჟილ დე კერშოვი აღნიშნავს, რომ დასავლეთის ავიაიერიშები ევროპაზე საპასუხო დარტყმის რისკსაც გაზრდის. 

აგვისტოდან მოყოლებული, აშშ-ის მეთაურობით სამხედრო ძალებმა ISIS-ის წინააღმდეგ 200-მდე ავიაიერიში განახორციელეს, ორშაბათს კი შეტევა სირიაში დაიწყეს.

ცენტრალური სადაზვერვო სამსახურის ვარაუდით, „ისლამურ სახელმწიფოს" 31 ათასამდე მეომარი ჰყავს, რაც წინა მონაცემებს სამჯერ აღემატება.

კერჩოვის თქმით, აშშ-ისა და მისი ევროპელი მოკავშირეების მხრიდან თავდასხმები ისლამისტი მეომრებისგან აგრესიული პასუხის საფრთხეს ზრდის. 

აშშ-ის თქმით, ISIS-ის საწინააღმდეგო კოალიციაში გაერთიანების სურვილი 40-მდე ქვეყანამ გამოთქვა. 

FBI-ს მიერ ხუთშაბათს გაკეთებული განცხადების თანახმად, ცნობილია იმ მებრძოლის ვინაობა, რომელმაც ვიდეოში ამერიკელ ჟურნალისტ ჯეიმს ფოლის თავი მოჰკვეთა, თუმცა მის სახელს არ ასაჯაროებენ.