თბილისში ოპერის თეატრის მიმდებარე მიწისქვეშა გადასასვლელში შეზღუდული შესაძლებლობების მქონე და ხანდაზმული პირებისთვის კიბეზე გადაადგილების დამხმარე მოწყობილობა დამონტაჟდა.
როგორც „ლიბერალს" თბილისის მერიაში უთხრეს, ე.წ. ლიფტი რამდენიმე დღეში ამოქმედდება. ამ ეტაპზე სამუშაოები მიდის კომპანია თელასთან, მოწყობილობის ელექტროენერგიაზე მისაერთებლად.
თბილისის მერიის პრესსამსახურის ინფორმაციით, მსგავსი ლიფტის დამონტაჟება ვაკის პარკის მიმდებარე ტერიტორიაზე არსებულ მიწისქვეშა გადასასვლელშიც იგეგმება. მისივე თქმით, მოწყობილობების შესაძენად მერიამ ტენდერი გამოაცხადა, მეორე ლიფტიც შეკვეთილია და ჩამოტანას ელოდებიან.
