სატელევიზიო სერიალ Breaking Bad-ის სათამაშო ფიგურების გაყიდვა აიკრძალა. 

ფლორიდის მოსახლეობამ მიიღო პეტიცია, რომლის თანახმად, სერიალის მთავარი გმირების, უოლტერ ვაითისა და ჯესი ფინქმანის ფიგურები, რომლებსაც აქსესუარად სათამაშო ფულის დასტა და ცისფერი მეტამფეტამინი მოჰყვებოდა, გაყიდვიდან ამოიღეს. ინიციატივა ფლორიდელ დიასახლისს, სიუზან სკრაივერს ეკუთვნის, რომლის მტკიცებით, მსგავსი ნივთების გარემოცვაში ბავშვების  გაზრდა ოჯახურ ფასეულობებს ანგრევს.

Breaking Bad-ის სათამაშო ფიგურებს მსხვილი სავაჭრო ცენტრი Toys R Us ავრცელებდა. ცენტრის წარმომადგენლები აცხადებენ, რომ მოსახლეობის აზრით ზიანის მომტანი საბავშვო პროდუქციის გავრცელება ისედაც რეგულირდებოდა და მხოლოდ 15 წლის ზემოთ მოზარდების სექციაში ყიდიდნენ. 

პეტიციას, რომელსაც 7 000-ზე მეტი ხელმომწერი ჰყავს, უოლტერ ვაითის როლის შემსრულებელი ბრაიან კრანსტონი Twitter-ზე გამოეხმაურა: 

„ისეთი გაბრაზებული ვარ, პასუხად ფლორიდელი დედის პერსონაჟ ფიგურას დავწვავ“, - წერს ბრაიან კრანსტონი.