თავდაცვის სამინისტროს ინფორმაციით, დღეს NATO-ს წევრი ქვეყნების ელჩებსა და სამხედრო ატაშეებთან შეხვედრაზე სტუმრები თავდაცვის სამინისტროს 5 თანამშრომლის დაკავების ფაქტით დაინტერესდნენ.
როგორც სამინისტროს განცხადებაშია ნათქვამი, თავდაცვის მინისტრის მოადგილემ, მიხეილ დარჩიაშვილმა „დიპლომატიური კორპუსის წარმომადგენლებს სრული ინფორმაცია მიაწოდა და განაცხადა, რომ თავდაცვის სამინისტრომ დოკუმენტის დეკლასიფიკაცია მოითხოვა და მზადაა, ღიად და გამჭვირვალედ ითანამშრომლოს ნებისმიერ დაინტერესებულ უწყებასთან“.
შეხვედრაზე განიხილეს უელსის სამიტის შედეგები საქართველოსთვის და ნატოს საერთაშორისო სამსახურთან ერთად შემუშავებული NATO-საქართველოს არსებითი პაკეტის განხორციელების კონცეფციის ელემენტები.