„არ ვიღებთ კონკრეტული პირების მიერ myvideo.ge-ს მიმართ გამოთქმულ არასერიოზულ ბრალდებას, ამა თუ იმ პოლიტიკოსის დაბლოკვის შესახებ“, - ვიდეოპორტალი myvideo.ge  განცხადებას ავრცელებს.

„გუშინ, 5 ნოემბერს, 22:17 სთ-დან 23:26 სთ-მდე დროის მონაკვეთში ტექნიკური ხარვეზის, უფრო კონკრეტულად კი, აპარატურის გაუმართაობის შედეგად გლობალურ ინტერნეტთან კავშირის დაკარგვის გამო, მიუწვდომელი იყო myvideo.ge -ს ყველა სერვისი, ამასთანავე 500-მდე სხვა ვებგვერდი, მათ შორის, news.ge, freshnews.ge, geonews.ge და სხვა.

აქვე დავძენთ, რომ myvideo.ge მომხმარებლების მიერ გენერირებული პოლიტიკურად ნეიტრალური ვიდეოპორტალია და მოვუწოდებთ მედიასაშუალებებს, თავი შეიკავონ გადაუმოწმებელი ინფორმაციის გავრცელებისა და myvideo.ge-ს იმიჯის უსაფუძვლოდ შელახვისაგან”, -ნათქვამია განცხადებაში.