თბილისის მერიამ 2015 წლის ბიუჯეტის პროექტზე მუშაობა დაასრულა. დავით ნარმანიას ინფორმაციით, 2015 წელს დაიწყება ახალი პროექტები, რომლებიც წინა წლებში არ ფინანსდებოდა:

C ჰეპატიტით დაავადებულ პირებში მკურნალობის ტაქტიკის განსაზღვრისათვის საჭირო კვლევების დაფინანსების პროგრამა - 1 400 000 ლარი.

დაიწყება სოციალურად დაუცველ ოჯახებში ყველა ახალშობილზე ერთჯერადი 500-ლარიანი დახმარების პროგრამა - 1 000 000 ლარი.

გამწვანების ღონისძიებების დაფინანსება 5 000 000 ლარით გაიზრდება და 2015 წელს ჯამში 20 000 000 ლარი დაიხარჯება.

5 200 000 ლარით გაიზრდება დაფინანსება ავარიული შენობების გამაგრებისთვის და ჯამში 18 500 000 ლარს შეადგენს.

32 მილიონი ლარით გაიზრდება რაიონული გამგეობების ბიუჯეტი, რომლითაც ინფრასტრუქტურული და ბინათმესაკუთრეთა ამხანაგობების პროექტების დაფინანსდება.

თბილისის 2015 წლის ბიუჯეტის პროექტი დაახლოებით 800 მილიონ ლარს შეადგენს.