შრომის, ჯანმრთელობისა და სოციალური დაცვის მინისტრ დავით სერგეენკოს თქმით, აშშ-ში ვიზიტის დროს მოლაპარაკებას აწარმოებდა საერთაშორისო კომპანია „გილეადთან“ C ჰეპატიტის სამკურნალო მედიკამენტის „სოფუსბუვირის“ საქართველოში შემოტანასთან დაკავშირებით.
სამინისტროს ინფრომაციით, პროექტი მომავალი წლიდან დაიწყება. მისი მიზანი არა მხოლოდ მედიკამენტით უზრუნველყოფა, არამედ სწორი დიაგნოსტიკა-მკურნალობა იქნება. მისი საშუალებით, C ჰეპატიტის, როგორც დაავადების, სრულიად აღმოფხვრა იქნება შესაძლებელი.
მათივე თქმით, საზოგადოებრივი ჯანდაცვის ამ პროექტით, მედიკამენტი ხელმისაწვდომი იქნება ყველა ფენის წარმომადგენლისთვის, დაავადების სადიაგნოსტიკო ხარჯები კი თანაგადახდას დაექვემდებარება და სოციალური სტატუსის მიხედვით განისაზღვრება.
სამინისტროს ინფორმაციით, საქართველოში იმყოფებოდნენ „გილეადის“ წარმომადგენლები, რომლებმაც აქ არსებული მდგომარეობა ახალი პროექტის დასაწყებად დადებითად შეაფასეს. პროექტის ფარგლებში, მოხდება ექიმების გადამზადება, როგორც თბილისში ასევე რეგიონებში, მკაცრად გაკონტროლდება რისკის მქონე ობიექტები (კოსმეტიკური სალონები, სტომატოლოგიური კაბინეტები და ა.შ).
„მედიკამენტის შემოტანა მომავალი წლიდან დაიწყება. დღეისათვის დარჩენილია ტექნიკური სამუშაოები, რომლებიც მოიცავს მედიკმენტის არალეგალურად გაყიდვის აღკვეთას და ასევე ხარისხის კონტროლს", - აცხადებენ სამინისტროში.
შრომის, ჯანმრთელობისა და სოციალური დაცვის მინისტრის დავით სერგეენკოს ბრიფინგი
