პრეზიდენტმა ფარული მოსმენების შესახებ ვეტოდაძლეულ კანონს ხელი მოაწერა. ამ ინფორმაციას სააგენტო "ინტერპრესნიუსი" პრეზიდენტის ადმინისტრაციის პრესსამსახურზე დაყრდნობით ავრცელებს.
პარლამენტმა პერსონალურ მონაცემებზე წვდომის "გასაღებთან" დაკავშირებით პრეზიდენტის ვეტო დღეს დაძლია. ბესელია-ფოფხაძე-სესიაშვილის კანონპროექტს მხარი 82-მა დეპუტატმა 13-ის წინააღმდეგ დაუჭირა.
ბესელია-ფოფხაძე-სესიაშვილის საკანონმდებლო პაკეტის თანახმად, ფარული მოსმენა-მიყურადების ორი ე.წ. გასაღებიდან ერთი "გასაღები" შს სამინისტროს რჩება და შესაბამის კომუნიკაციის საშუალებებზე პირდაპირი წვდომის შესაძლებლობა მას ექნება, ხოლო მეორე "გასაღები" პერსონალურ მონაცემთა დაცვის ინსპექტორის ხელში იქნება.
შეგახსენებთ, რომ აღნიშნულ კანონპროექტს პრეზიდენტმა ვეტო დაადო და პარლამენტს შენიშვნები და ალტერნატიული ცვლილებათა პაკეტი წარუდგინა. თუმცა კანონმდებლებმა ის არ გაიზიარეს.
