საყდრისის მაღაროში დასაქმებულ მოსახლეობასა და ორგანიზაცია CENN-ის წარმომადგენლებს შორის კაზრეთში სიტყვიერი დაპირისპირება მოხდა.
როგორც „ლიბერალის“ კორესპონდენტი საყდრისიდან იტყობინება, ორგანიზაცია CENN-ის წარმომადგენლები აცხადებენ, რომ მაღაროს ტერიტორიაზე წარმოებულმა სამუშაოებმა მდინარე მაშავერის დაბინძურება გამოიწვია. ორგანიზაციის წარმომადგენლებს არ ეთანხმებიან მაღაროზე დასაქმებულები, რომლებიც სამუშაოების გაგრძელებას მოითხოვენ. მათ ორგანიზაციის პროგრამების მენეჯერ კახა ბახტაძეს ტერიტორიის დატოვება მოსთხოვა.
დაბა კაზრეთიდან ძველი კუდსაცავისკენ მიმავალი გზა მოსახლეობას გადაკეტილი აქვს და ჟურნალისტებს მაღაროსკენ წასვლის საშუალებას არ აძლევენ. როგორც „ლიბერალის" კორესპონდენტი იტყობინება, მაღაროსთან მისასავლელად RMG GOLD-ისგან სათანადო ნებართვის აღებაა საჭირო.
