ნაძალადევის რაიონის გამგეობა 100 ჩასასვენებლის შესაძენად ტენდერს აცხადებს. სახელმწიფო შესყიდვების სააგენტოს ვერგვერდზე შესყიდვების სავარაუდო ღირებულებად 28 ათასი ლარია მითითებული.
სატენდერო პირობების მიხედვით, ჩასასვენებელი სტანდარტული ზომის, წიფლისა და გამოკრული სარჩულით უნდა იყოს. კუბოებთან ერთად ნაძალადევის გამგეობა იგივე რაოდენობის სუდარის შესყიდვასაც აპირებს.
როგორც სატენდერო დოკუმენტაციაშია მითითებული, კუბოების შეძენა ნაძალადევის რაიონის ტერიტორიაზე მცხოვრები უმწეო და გაჭირვებული გარდაცვლილი მოქალაქეებისთვის ხდება.
