ნიუ-იორკის მეტროპოლიტენის ხელოვნების მუზეუმის ინიციატივითა და Terra Foundation for American Art-ის მხარდაჭერით, 2014 წელს ნიუ-იორკში მსოფლიოს მუზეუმების ლიდერთა ფორუმი გაიმართა (Global Museum Leaders Colloquium). 

მსოფლიოს მასშტაბით შერჩეულ 14 ქვეყნის მონაწილე ინსტიტუციას შორისაა საქართველოს ეროვნული მუზეუმი, რომელიც მისმა გენერალურმა დირექტორმა, პროფესორმა დავით ლორთქიფანიძემ წარადგინა.

ფორუმის მსვლელობისას მეტროპოლიტენის ხელოვნების მუზეუმის დირექტორმა, ტომას კემპბელმა აღნიშნა, რომ ყველა დიდი მუზეუმის მსგავსად, მეტროპოლიტენი არის ადგილი, სადაც ადამიანები ერთიანდებიან განსხვავებული მოსაზრებების გასაზიარებლად. 

ფორუმი შესაძლებლობას იძლევა, მონაწილე ინსტიტუციები მეტროპოლიტენის მუზეუმთან დააკავშიროს სამომავლო თანამშრომლობისა და იდეათა ურთიერთგაცვლის მიზნით. ფორუმი იძლევა სრულ ინფორმაციას თანამედროვე სამუზეუმო გამოცდილების შესახებ მთელი მსოფლიოს მასშტაბით.