უკრაინის პრეზიდენტის პეტრე პოროშენკოს მრჩევლად ლევან ვარშალომიძე დაინიშნა. ინფორმაციას ამის შესახებ „რუსთავი 2" ავრცელებს. ტელეკომპანიის ინფორმაციით, აჭარის მთავრობის ყოფილი ხელმძღვანელი უკრაინის ხელისუფლებაში ეკონომიკურ მიმართულებას ჩაიბარებს.
„რუსთავი2-თან" ინტერვიუში ლევან ვარშალომიძე აცხადებს, რომ ის იუსტიციისა და ეკონომიკის სფეროს რეფორმირებაში, უკრაინელ კოლეგებთან ერთად, ჯერ კიდევ გასული წლის აპრილიდან იყო ჩართული.
„საქმე ჯერ ბევრია გასაკეთებელი. ყველას მოგეხსენებათ, რა რთულ სიტუაციაშია დღეს უკრაინა. როდესაც აგრესიაა, უფრო აქტიურად უნდა განხორციელდეს ყველა ეკონომიკური რეფორმა, რომელიც ქვეყანას სჭირდება. დღეს, ალბათ, ყველა პატრიოტი ქართველი უკრაინელია," - აცხადებს ლევან ვარშალომიძე.
