თბილისის საკრებულოს შენობასთან საპროტესტო აქცია" არა პანორამას" მიმდინარეობს. აქციის მონაწილეები სოლოლაკის ქედისკენ მსვლელობით წასვლას გეგმავენ, სადაც პროექტის ერთ-ერთი ნაწილის განხორციელება იგეგმება.
მათი მიზანი ბიძინა ივანიშვილის ბიზნეს-ცენტრთან მისვლა და საპროტესტო აქციის იქ გაგრძელებაა.
"ჩვენ გვინდა მივიდეთ ბიძინა ივანიშვილის სახლთან და ვაჩვენოთ მას, რომ ქალაქი მის მაცხოვრებლებს ეკუთვნით და არა მას, ვისი ბიუჯეტიც ქვეყნის ბიუჯეტზე მეტია",- განაცხადა "ლიბერალთან" საუბრისას ცირა ელისაშვილმა.
ისინი, ვინც თბილისში არ იმყოფებიან, აქციას "ფეისბუქზე" ფოტოებით უერთდებიან - წარწერით "პაNOრამა". საპროტესტო აქციები საქართველოს კიდევ რამდენიმე ქალაქშია დაგეგმილი.
