დღეს თბილისის საქალაქო სასამართლო ე.წ. კორტების სპეცოპერაციის საქმეში ბრალდებული 11 პირის აღკვეთის ღონისძიებაზე იმსჯელებს.

აღნიშნული პირები მიმდინარე წლის 2 თებერვალს დააკავეს, 3 თებერვალს კი ბრალი წარუდგინეს. საქართველოს მთავარი პროკურატურის ინფორმაციით, საქმეზე გამოძიება, საქართველოს სსკ-ის 109-ე მუხლის „ა“, „ზ“ და „თ“ ქვეპუნქტებით, 369-ე მუხლის მესამე ნაწილით და 147-ე მუხლის პირველი ნაწილით გრძელდება, რაც სასჯელის სახედ და ზომად 10-დან 20 წლამდე ან უვადო თავისუფლების აღკვეთას ითვალისწინებს.

დაცვის მხარეს საქმის 19-ტომიანი მასალები გუშინ გადაეცა.

ე.წ. კორტების საქმეზე გუშინ 11 პირი დააკავეს: 

შსს ცენტრალური კრიმინალური პოლიციის დეპარტამენტის  დირექტორის ყოფილი მოადგილე ირაკლი ფირცხალავა;
შსს ცენტრალური კრიმინალური პოლიციის დეპარტამენტის  სამძებროს სამმართველოს უფროსის ყოფილი მოადგილე გიორგი ცააძე;
შსს კრიმინალური პოლიციის დეპარტამენტის ყოფილი გამომძიებელი ლევან ბეროძე;
შსს ქ.თბილისის შს მთავარი სამმართველოს სპეცდანიშნულების ჯგუფის ყოფილი უფროსი კახაბერ ნაკანი და მისი ყოფილი მოადგილე გიორგი გულბიანი;
სპეცდანიშნულების ჯგუფის წევრები: იასონ მილაძე, ალექსანდრე ციმაკურიძე, ზურაბ ჯოხაძე, დავით ალელიშვილი, სოსო ჩაკვეტაია და ალექსანდრე სანიკიძე.