„სოსანაშვილი ფირცხალავას ნათლისღების მისალოცად ურეკავდა“, - იური ვაზაგაშვილის მკვლელობაში ბრალდებულ გია სოსანაშვილის ადვოკატი სოსო ჯოგლიძე თბილისის საქალაქო სასამართლოში მისი დაცვის ქვეშ მყოფისთვის აღკვეთის ღონისძიების შეფარდების საკითხის განხილვამდე ჟურნალისტებს ესაუბრა.
„ლიბერალის“ კორესპონდენტის ცნობით, დაცვის მხარე შუამდგომლობას აყენებს, რომ სოსანაშვილი აღკვეთის ღონისძიების გარეშე დატოვონ. ამასთან, ადვოკატი სოსო ჯოგლიძე სამართლებრივი ნორმების დარღვევაზე საუბრობს და დამოუკიდებელ ექსპერტიზას აპირებს.
როგორც ადვოკატი აღნიშნავს, სოსანაშვილსა და ფირცხალავას ჩვეულებრივი, ახლობლური ურთიერთობა აქვთ.
ბრალდების მხარე სოსანაშვილისთვის წინასწარი პატიმრობის შეფარდების შუამდგომლობას აყენებს.
