ტურიზმის ეროვნული ადმინისტრაციის ხელმძღვანელის, გიორგი ჩოგოვაძის თქმით, რეგიონში არსებული რთული ეკონომიკური და პოლიტიკური ვითარება საქართველოში ტურიზმის რაოდენობაზე მოქმედებს.
„ჯერ ძნელია იმის პროგნოზირება, თუ რას უნდა ველოდეთ თებერვალში ტურისტების რაოდენობის თვალსაზრისით, რადგან ის ძირითადი ფაქტორები, რომლებიც ამ მაჩვენებელზე მოქმედებდა - რთული პოლიტიკურ-ეკონომიკური ვითარება რეგიონში, განსაკუთრებით რუსეთ-უკრაინასთან დაკავშირებით, სამწუხაროდ, ისევ ძალაშია", - თქვა ჩოგოვაძემ.
ჩოგოვაძის განმარტებით, 2014 წელს ევროკავშირის ქვეყნებიდან შემოსული ტურისტების რაოდენობა 10%-ით გაიზარდა.
