საფრანგეთში ადგილობრივი თვითმმართველობის არჩევნების პირველ ტურში, წინასწარი მონაცემებით, ნიკოლა სარკოზის მემარჯვენე-ცენტრისტულმა პარტიამ გაიმარჯვა. მეორე ადგილს მარინ ლე პენის ეროვნული ფრონტი 25%-ით იკავებს. ულტრა მემარჯვენე პარტიას მეტ შედეგს უწინასწარმეტყველებდნენ, თუმცა პირველი ადგილი გამოცდილმა მემარჯვენე-ცენტრისტებმა დაიკავეს.

პრეზიდენტ ფრანსუა ოლანდის სოციალისტური პარტია 21%-ით მესამე ადგილზე გავიდა.

ამ შედეგების მიხედვით, 29 მარტს სიით პირველ ორ ადგილზე გასულ პარტიებს შორის არჩევნების მეორე ტური გაიმართება.

„შედეგები ფრანგი ხალხის ძლიერ სურვილს ცხადყოფს ცვლილებების მიმართ. ისინი მზად არიან, კვლავ მოტრიალდნენ მარჯვნივ და ცენტრისკენ“, - ამბობს საფრანგეთის ყოფილი პრეზიდენტი.

სოციალისტების დაბალი შედეგი გასულ წელს მუნიციპალურ და ევროკავშირის არჩევნებში მარცხმა განაპირობა.

უნდა აღინიშნოს, რომ ამ არჩევნებში პირველად ამომრჩევლები ხმას აძლევენ არა ერთ, არამედ კანდიდატების წყვილს, რომელთაგან ერთი აუცილებლად ქალია, ერთი კი კაცი - ესაა მკაცრი რეგულაცია ადგილობრივ პოლიტიკაში გენდერული ბალანსის მიღწევისთვის. 

წყარო: BBC