ანაკლიაში ბიზნესფორუმის დაწყებას წინ ხმაური უძღოდა. ადგილობრივებმა საპროტესტო აქცია გამართეს, რომელზეც ხელისუფლების წარმომადგენლებს წითელი ბარათები აჩვენეს. აქციაზე შეკრებილმა მოსახლეობამ პრემიერს განუხორციელებელი პროექტები და დაპირებული სამუშაო ადგილები შეახსენა. სამართალდამცავებმა მათ გზის გადაკეტვის საშუალება არ მისცეს, სანაპირო დაცვამ კი აქციის მონაწილეებს იმ სასტუმროსთან მიახლოება აუკრძალა, სადაც ხელისუფლების წარმომადგენლები იმყოფებოდნენ.