დაუბეგრავი მინიმუმის დეკლარაციის შევსება დღეიდან დაიწყო, თუმცა ვებგვერდი rs.ge, სადაც მოქალაქეებმა  დეკლარაცია უნდა გაიარონ, ჯერჯერობით, შეფერხებით მუშაობს.

როგორც „ლიბერალს“ შემოსავლების სამსახურის პრესსამსახურში უთხრეს, rs.ge-ზე ძალიან დიდია ერთიანი მოხმარების მოთხოვნა და შეფერხებაც ამან განაპირობა. 

სამსახურში ამბობენ, რომ ხარვეზის გამოსასწორებლად მუშაობენ.

დაუბეგრავი მინიმუმი იმ  შემთხვევაში გაიცემა, თუ ადამიანის 2014 წელს მიღებული ერთობლივი შემოსავალი 1800-დან 6000 ლარამდეა, მოცემულ შემთხვევაში, მხოლოდ ხელფასის სახით მიღებული შემოსავლიდან დაბრუნდება 360 ლარი, ხოლო თუ 1800 ლარამდეა, დაბრუნებას ექვემდებარება (მხოლოდ ხელფასის სახით მიღებული შემოსავლიდან) კონკრეტული თანხის 20 %.

დაუბეგრავი მინიმუმის დეკლარირება 30 სექტემბრის ჩათვლით იქნება შესაძლებელი.