„ინტერპოლის წერილი აქცენტს აკეთებს იმაზე, რომ ადეიშვილი ძებნიდან თავშესაფრის სტატუსის გამოა მოხსნილი“, - საქართველოს იუსტიციის მინისტრი თეა წულუკიანი ამბობს, რომ ქართულ საზოგადოებას უფლება აქვს, იცოდეს, რომელმა ქვეყანამ გააკეთა ეს.
„როდესაც ადამიანს რომელიმე ქვეყანა თავშესაფარს აძლევს, ეს პროცედურა მოცემულ ქვეყანაშია დაცული და არ არის საჯარო. აქედან გამომდინარე, დღეს ჩვენ არ ვიცით, რომელმა ქვეყანამ გააკეთა ეს, რომელმა ქვეყანამ მიანიჭა ადეიშვილს თავშესაფარი და დაიცვა ადამიანი, რომელსაც, სავარაუდოდ, ძალიან ბევრი ცუდი აქვს საქართველოში გაკეთებული“, - ამბობს წულუკიანი.
იუსტიციის მინისტრის თქმით, პროკურატურამ ყველაფერი გააკეთა იმისთვის, რომ ადეიშვილი წითელ ცირკულარში ყოფილიყო შეტანილი.
