იპოდრომის მიმდებარე ტერიტორიაზე „პარტიზანი მებაღეები“ და ადგილობრივი მოსახლეობა ხეების მოჭრის შესაჩერებლად შეიკრიბა.
როგორც „პარტიზანმა მებაღემ“ ნატა ფერაძემ „ლიბერალს“ უთხრა, მერიის ზედამხედველობის სამსახურმა ნებართვა 30 ხის მოჭრაზე გასცა. მათგან 12 უკვე მოჭრილია. მისივე განმარტებით, ადგილზე საცხოვრებელი კორპუსის მშენებლობა იგეგმება.
როგორც „ლიბერალს“ მერიის პრესსამსახურმა განუცხადა, ხეების მოჭრის ნებართვა შეჩერებულია და მერიის ზედამხედველობის სამსახური ადგილზე იმყოფება, რათა ხეების მოჭრა არ გაგრძელდეს.
