საყდრისში თავად საქმის მწარმოებელი მოსამართლე ნანა დარასელია ჩავა, - როგორც „ლიბერალს“ საქალაქო სასამართლოში დაუდასტურეს, შესაბამისი გადაწყვეტილების შესახებ მოსამართლემ თბილისის საქალაქო სასამართლოში გამართულ სხდომაზე განაცხადა.
მათი ინფორმაციით, ნანა დარასელია საყდრისში 16 მაისს, არქეოლოგებთან ერთად გაემგზავრება.
„თბილისის საქალაქო სასამართლოს ადმინისტრაციულ საქმეთა კოლეგიამ განიხილა მოსარჩელე კახა კოჟორიძის და გიორგი გოგოჭურის შუამდგომლობა, რომლითაც მოსარჩელეები 2014 წლის 12 დეკემბერს გამოცემული ადმინისტრაციული აქტების მოქმედების შეჩერებას ითხოვდნენ. აღნიშნული აქტების საფუძველზე, კომპანია “RMG Gold”-ს ”საყდრისი-ყაჩაღიანის” არქეოლოგიური ობიექტის ”აღება-დაშლის ” თანხმობა მიეცა. ადმინისტრაციულ საქმეთა კოლეგიის მოსამართლემ მიიღო განჩინება ობიექტის ადგილზე დათვალიერების შესახებ“, - ნათქვამია სასამართლოს განცხადებაში.
თბილისის საქალაქო სასამართლოში შუამდგომლობის განხილვა 18 მაისს, 12:00 საათზე გაგრძელდება .
