თსსუ–ის ასოცირებული პროფესორი ზვიად კირტავა, რომელიც სოციალურ ქსელებში ცნობილია ფსევდონიმით - სოლომონ თერნალელი, საქართველოს პარლამენტის თავმჯდომარის თანაშემწედ დაინიშნა.
"ჩემი ამოცანა იქნება დავეხმარო პარალმენტის თავმჯდომარეს შემდეგ სფეროებში - ჯანდაცვის და განათლების პოლიტიკის, ასევე - დემოკრატიული ინსტიტუტების მშენებლობის და ევროპული ინტეგრაციის საკითხებში". - განუცხადა ზვიად კირტავამ ლიბერალს.
ზვიად კირტავა რამდენიმე წლის მანძილზე სოლომონ თერნალელის ფსევდონიმით აქვეყნებდა ბლოგების სერიას, მან თავისი ვინაობა მწერალთა სახლში გამართულ პრეზენტაციაზე გაასაჯაროვა. სადაც მისი წიგნის, "სოლომონის ფიქრების" პრეზენტაცია გაიმართა, წიგნი ავტორის მიერ გამოქვეყნებული ბლოგპოსტებისა და კომენტარების კრებულია.
