საქართველოს მთავრობის ადმინისტრაცია ელექტრონული პეტიციების პორტალს ქმნის, - ინფორმაციას ამის შესახებ მთავრობის ადმინისტრაცია ავრცელებს.
მათი თქმით, ინიციატივას, რომელზეც პრემიერ-მინისტრმა, ირაკლი ღარიბაშვილმა „ღია მმართველობის პარტნიორობის“ ევროპის რეგიონულ კონფერენციაზე ისაუბრა, საფრანგეთის დელეგაციის დადებითი შეფასება მოჰყვა.
„ელექტრონული პეტიციების პორტალი - Ichange.ge კიდევ უფრო აამაღლებს საზოგადოების მონაწილეობას ქვეყნის მმართველობაში და გააძლიერებს მთავრობის საზოგადოებრივი ანგარიშვალდებულების ინსტრუმენტებს“, - ნათქვამია ადმინისტრაციის განცხადებაში.
მათი ინფორმაციით, ელექტრონულ პეტიციაზე 5 ათასი ხელმოწერის შემთხვევაში, საკითხი განსახილველად მთავრობის სხდომაზე გავა. ელექტრონული პორტალის პრეზენტაცია უახლოეს მომავალში გაიმართება.
