ჩიქოვანის (ხილიანი) 35 ნომერში იაგუარის ძებნა უშედეგოდ დასრულდა - ამის შესახებ „ლიბერალს" ცხოველთა მონიტორინგის სააგენტოს ხელმძღვანელმა, თეიმურაზ ფხალაძემ უთხრა.
მისი თქმით, ამ ეტაპზე ძებნა არ მიმდინარეობს, თუმცა აუცილებლად განახლდება.
მოქალაქის ზარის საფუძველზე ჩიქოვანის (ხილიანი) 35 ნომერში გუშინ ღამით იაგუარს ეძებდნენ.
„რამდენიმე ადამიანმა ნახა, ფოტოც გადაუღო, როგორ იჯდა ფეხით სავალ ბილიკზე. ახლა ძებნითი სამუშაოები მიმდინარეობს. სურათში კარგად არ არის გამოკვეთილი, რომ ნამდვილად იაგუარია, თუმცა ვეფხვზე პატარაა. ან პატარა ვეფხვია, ან იაგუარი" - უთხრა გუშინ ღამით ფხალაძემ „ლიბერალს".
მისი განმარტებით, ადგილზე ცხოველთა მონიტორინგიის სააგენტოს თანამშრომლები, საპატრულო პოლიცია და სპეციალური დანიშნულების რაზმი იყო მობილიზებული.