18 ივნისს მოხალისეების ორგანიზებული სამუშაოები შეჩერებულია.
„სამთავრობო უწყებების ინფორმაციით ობიექტებზე მუშაობა დაკავშირებულია რისკებთან, როგორც ეპიდემიის თუნდაც მინიმალური საფრთხის, ასევე მტაცებელი ცხოველების მხრიდან თავდასხმის გამო. სტიქიის ზონებს, უსაფრთხოების მიზნებს, პატრული გადაკეტავს. იმუშავებს მხოლოდ ჰუმანიტარული საქონლის მიღების პუნქტი (ვაკის გამგეობა) და დღის განმავლობაში დაიწერება რა იქნება საჭირო", - აცხადებენ მოხალისეთა გაერთიანებაში.
თბილისის მერის, დავით ნარმანიას განცხადებით, მოხალისეები უფრო მეტად გარეუბნებზე იმუშავებენ, საცხოვრებელი სახლების ეზოებში.
„სხვა დანარჩენ ნაწილებზე, სადაც არის რისკის ზონა, ჯანდაცვის სამინისტრო შესაბამის ღონისძიებებს ატარებს. გარდა ამისა, არის სპეციალური წესები და პირობები, რომელიც ყველამ უნდა დაიცვას", - აცხადებს ნარმანია.
