საქართველოს პრეზიდენტ გიორგი მარგველაშვილის თქმით, იგი არ სვამს კითხვას, მოიგებს თუ არა ბრძოლას რუსეთთან საქართველო, რადგან იცის, რომ მოიგებს.
„მოვიგებთ, რადგან მოგვიგია ისტორიულად, არაერთ ომში და არაერთ იმპერიასთან. ჩვენ მივალთ გამარჯვებამდე. ასეთია ჩვენი ბედისწერა და ისტორია" - თქვა პრეზიდენტმა.
როგორც მან საზოგადოებრივი მაუწყებლის ეთერში საუბრისას განაცხადა, სტრატეგიული მოთმინება არ არის კომფორტული პლატფორმა, რომელიც საქართველოს მხარდამჭერთა რაოდენობას ზრდის.
„მიმაჩნია, რომ პროვოკაციაზე არ უნდა წამოვეგოთ და უნდა ვიყოთ მომთმენები, თუმცა არცერთმა ქართველომა არ უნდა დასვას კითხვა, წავაგებთ თუ მოვიგებთ ბრძოლას. მე ვერავინ ამიხსნა, რატომ უნდა უნდოდეს რუსეთს, რომელიც დედამიწაზე ტერიტორიულად ყველაზე დიდი სახელმწიფოა, მიიტაცოს პატარა, მშვიდობიანი სახელმწიფოს ტერიტორიები. აუხსნელია, რა სარგებელს შეიძლება ის იღებდეს ჩვენი დესტაბილიზაციით", - თქვა პრეზიდენტმა.
