თელასისთვის ტარიფის დადგენის საკითხზე სემეკში 31 ივლისის საჯარო სხდომაზე იმსჯელებენ. როგორც „ლიბერალს" სემეკის პრესსამსახურში უთხრეს, ენერგოგამანაწილეელმა კომპანიამ სემეკს ხუთშაბათს მიმართა.
„სხდომაზე თელასისთვის ტარიფის დადგენასთან დაკავშირებით ოფიციალური საქმის წარმოება დაიწყება, განისაზღვრება კომისიაში წარმოსადგენი წინადადებების ვადა, ასევე კომისიის მიერ გადაწყვეტილების მიღების ბოლო ვადა. ზოგადად, კომისიას ტარიფის დადგენისთვის კანონმდებლობით 150-დღიანი ვადა აქვს", - აცხადებენ სემეკში.
ამ ეტაპზე არ არის ცნობილი რა ტარიფს მოითხოვს თელასი.
დავით ნარმანიას განცხადებით, ტარიფის ზრდის შედეგად წარმოქმნილ ნამატს თბილისის მერია სიღარიბის ზღვარს ქვემოთ მყოფ პირებს სრულად დაუფარავს.
